Марснинг энг батафсил онлайн 3D глобуси яратилди (фото)

АҚШдаги Брюс Мюррей Калифорния сайёравий тасвирлаш лабораториясининг олимлари ҳозирги кунга қадар энг батафсил Марснинг 3D глобусини ишга туширди. 

Онлайн глобус 2006 йилдан бери Марс Reconnaissance Orbiter қурилмасининг CТХ камераси томонидан олинган 110 000 та оқ-қора тасвирлардан иборат. Марс харитасининг ўлчамлари пиксел учун 25 квадрат метрни ташкил қилади. Қизил сайёра глобусини яратиш учун олти йил керак бўлган.

Глобус сайёрадаги роверлар орасида тезкор ҳаракатланиш учун панел билан жиҳозланган. Глобус интерактив бўлгани учун уни айлантириш ва харита масштабини ўзгартириш мумкин.

Шунингдек, Марснинг “диққатга сазовор жойлари”, жумладан қуёш тизимидаги энг баланд Олимп тоғи ёки Маринер водийсини кузатиш мумкин.

Эслатиб ўтамиз, аввалроқ Бирлашган Араб Амирликлари олимлари Марснинг янги батафсил харитасини яратганди. Харита Hope-Emirates Exploration Imager (EXI) тасвирни қайта ишлашнинг энг илғор борт тизими ёрдамида тузилган.

Харитада қутб музликлари, тоғлар ва узоқ вақт давомида фаол бўлмаган вулқонлар, тахминан 3,5 миллиард йил аввал суюқ сув билан тўлиб тошган қадимги дарё, кўл ва водий қолдиғи кўрсатилган. Харита сайёрашунос олимларга Марснинг иқлими миллиардлаб йиллар давомида қандай ўзгарганини яхшироқ тушунишга ёрдам бериши мумкин.