Тор болғаси кўринишидаги Xbox ва Marvel’дан илҳомланиб яратилган бошқа гаджетлар (фото)

Microsoft компанияси “Қасоскорлар” ва Marvel’дан илҳомланиб яратилган бир қанча гаджетларни намойиш қилди, деб хабар бермоқда Europa Plus нашри.

Темир одамнинг қўлқопи

Лазер, пўлатни кесувчи, оловли шарларни учирувчи қурилма — буларнинг барчаси канадалик муҳандис ва ёутубер The Hacksmith томонидан ишлаб чиқилган.

Ўргимчак одамнинг қўлқопи

Компания Питер Паркер мухлислари учун тўр отувчи қўлқопни ҳам ишлаб чиқди. Суюқликнинг миқдори диққат билан кузатилиши керак. “Сирли суюқлик” ҳар доим оддий сув билан алмаштирилиши мумкин, кейин эса қурилма қулай сув қуролига айланади.

VR функцияли Темир одам шлеми

Доимий кенгайтириладиган кўзойнакларидан чарчадингизми? Эндиликда Тони Старк услубидаги дизайнни танлашингиз мумкин. Гаджет ишлаётганда ёрдамчи дастурни ўрнатишингиз керак бўлган смартфонга таянади. У махсус линзалар ёрдамида фойдаланувчига ўйин майдонининг стерео тасвирини беради, унга душман базалари ва рақиблар сурати ўрнатилган. Бу эса ўзингизни Темир одамдек ҳис қилишингизга ёрдам беради.

Таноснинг қўлқопи кўринишидаги киби-гаджет

Шунингдек, компания Таноснинг қўлқопи кўринишидаги киби-гаджетни тақдим этди. Ижодкорлар “Чексизлик тошлари”ни излаш чоғида ҳеч бир олам зарар кўрмаганига ишонтирмоқда ва қурилма эгаси унинг “кучи”дан фақат хайрли ишлар учун фойдаланишга ваъда бермоқда.

Redmi Note 7 нинг тематик версияси

Смартфон ишлаб чиқарувчилари ҳам ортда қолишмайди. Гаджетлар қаторида Redmi Note 7 суперқаҳрамонлар дизайнида яратилган версияси пайдо бўлди. Maxсус қурилма “Қасоскорлар” франшизасининг тугатилиши муносабати билан чиқарилди. Ҳалк каби бардошли ва Тони Старк каби замонавий бу телефон ҳар қандай Marvel мухлисларини хурсанд қилиши аниқ.

Торнинг болғаси кўринишидаги Xbox Series қурилмаси

Microsoft ўз мухлисларини ғайриоддий махсус консоллар билан хурсанд қилишни яхши кўради. Компания “Тор: Севги ва момақалдироқ” фильми чиқиши шарафига бош қаҳрамоннинг қуроли кўринишидаги қурилмани тақдим этди. Бироқ ҳамма ҳам бу қурилмани қўлга кирита олмайди, Microsoft компанияси вакиллари унинг битта нусхасини яратган.