Мадриднинг “Реал” клуби 2025 йилги Клублар ўртасидаги Жаҳон чемпионати ярим финалида “ПСЖ”га 0:4 ҳисобида мағлуб бўлди. Бу натижадан сўнг жамоанинг айрим футболчилари, жумладан Винисиус Жуниорнинг ўйини танқид остига олинди.
Бразилиялик футболчи турнир давомида кутилган даражада ўйин кўрсата олмади. Клуб раҳбарияти айниқса унинг Мбаппе билан ўзаро тушунмовчиликлари ва мотивация етишмовчилигидан хавотирда.
Fichajes нашрининг ёзишича, Винисиус энди клуб ичида “алмаштириб бўлмас футболчи” сифатида кўрилмаяпти. “Реал” президенти Флорентино Переснинг унга бўлган ишончи камайган.
Винисиуснинг “Реал” билан шартномаси 2027 йилгача амал қилади. Аммо клуб ҳозирча уни сотадими ёки йўқми — бу борада ҳали якуний қарорга келмаган. Шу сабабли, футболчининг жамоадаги келажаги ҳозирча ноаниқ.
Маълумот учун, Винисиус Жуниор АҚШ майдонларида ўтган Клублар ўртасидаги Жаҳон чемпионатида 6 та учрашувда майдонга тушиб, ўз ҳисобига 1 гол ва 1 ассист ёздириб қўйган. Transfermarkt портали ҳужумчининг қийматини 170 миллион еврога баҳоламоқда.
Изоҳ (0)