Ижтимоий тармоқларда Андижонда трансформатор ичига кирган 4 ёшли қизчани ток ургани айтилган хабарлар тарқалди. "Ҳудудий электр тармоқлари” АЖ Андижон ҳудудий филиали ҳолатга изоҳ берди.
Унда айтилишича, 13 июль куни Янги Андижон шаҳарчасида жойлашган кўп қаватли уйларнинг ертўласида жойлашган 35/04 кВт кучланишли қуввати 1000 кВА бўлган161-сонли трансформатор пунктида қисқа туташув содир бўлган.
Бу вақтда ёш қизчанинг мушуги тўсатдан эшик тирқишидан ертўлага киради ва ишлаб турган катта кучланиш остида бўлган трансформатор пунктига кириб қолиши натижасида қисқа туташув содир бўлади. Чақнаш вақтида мушугини эшик ортидан пойлаб турган қизалоқ юз қисмидан куйиш тан жароҳатини олади.
Шундан сўнг қизалоққа биринчи тез тиббий ёрдам кўрсатилди ва шифохонага олиб борилди. Ҳозирда ҳолати яхши экани айтилган.
Тошкентда темирйўлнинг белгиланган қисмидан велосипедда кесиб ўтаётган болани поезд уриб кетгани ҳақида хабар берилган эди. Шунингдек, поезд устида селфи тушмоқчи бўлган икки болани ток урганди.
Андижонда эса реклама баннери илаётган шахсни кучли ток ургани хабар қилинганди.
Изоҳ (0)