Frontiers in Pharmаcоlogy журналида чоп этилган янги йирик тадқиқот шуни кўрсатдики, баъзи одатий қўшимчалар ва гиёҳлар депрессияда ҳақиқатан ҳам ёрдам бериши мумкин.
Олимлар 209 та клиник синов маълумотларини таҳлил қилиб, депрессия аломатларида қўллаб-қувватловчи терапия сифатида баҳоланадиган 64 та рецептсиз дори воситасини аниқлади.
Энг кўп тадқиқотлар омега-3 ёғ кислоталари, далачой, заъфарон, пробиотиклар ва D витаминига бағишланган — бу воситаларда энг салмоқли далиллар базаси тўпланган. Бир қатор тадқиқотларда улар антидепрессантлар билан таққосланадиган таъсир ёки плацебо билан солиштирганда сезиларли яхшиланишни кўрсатди.
Бундан ташқари, фолий кислотаси, лаванда, лимон балзами, рух, триптофан ва родиола фойдали деб топилган. Улар учун ҳозирча фақат чекланган миқдордаги тадқиқотлар мавжуд, аммо натижалар истиқболли кўринади. Шу билан бирга, аксарият синовларда жиддий ножўя таъсирлар аниқланмади.
Муаллифларнинг таъкидлашича, ҳар қандай воситани қўллашдан олдин мутахассис билан маслаҳатлашиш ва эсда тутиш керак: ҳатто оддий қўшимчалар ҳам бошқа дорилар билан ўзаро таъсирга киришиши мумкин.
Аввалроқ олимлар ҳар куни бир неча соат очиқ ҳавода бўлиш хавотир ва депрессияни сезиларли даражада камайтириши мумкинлигини аниқлашган эди. Мунтазам сайр қилиш, боғдорчилик, балиқ овлаш ёки табиат қўйнида спорт билан шуғулланиш хавотирни 55 фоизга, депрессияни эса 51 фоизга камайтирди.
Изоҳ (0)