Каталониянинг “Барселона” клуби Даниянинг “Копенгаген” жамоасида тўп тепадиган ҳужумчи Руни Баржининг трансферини расман эълон қилди. Клуб расмий сайтининг хабар беришича, “кўк-анорранглилар” 19 ёшли швециялик футболчи билан 2029 йилгача амал қиладиган шартнома имзолаган.
19 ёшда бўлишига қарамай, Баржи ўнг қанот ҳужум чизиғида ўзининг техникаси, тезлиги ва гол уриш қобилияти билан танилган. Бу сифатлар уни келажакдаги энг истиқболли футболчилардан бирига айлантиради, — дейилади “Барселона” расмий баёнотида.
Маълумот учун, Руни Баржи “Копенгаген” сафида Дания Суперлигасининг 2024/25 йилги мавсуми доирасидаги 5 та ўйинда майдонга тушган. Шунингдек, у мамлакат кубогида ҳам битта учрашувда иштирок этган. У “Копенгаген” жамоаси билан уч марта Дания чемпиони бўлган, шунингдек, икки бор мамлакат кубогини қўлга киритган. Transfermarkt портали футболчининг қийматини 7,5 миллион еврога баҳолаган.
Изоҳ (0)