Лондоннинг “Тоттенҳэм” клуби ҳужумчиси Сон Хён Мин ёзги трансфер ойнасида жамоани тарк этиши мумкин. Журналист Метт Лоунинг хабарига кўра, клуб ичкарисидагилар Сон яқин орада жамоани тарк этишни режалаштиргани ҳақида миш-миш тарқатган.
Dailymail нашрига кўра, футболчига Саудия Арабистони клубларидан жиддий таклиф бор. Агар барчаси муваффақиятли якунланса, футболчи карьерасини Осиё қитъасида давом эттириши мумкин.
Футболчининг ўзи “Тоттенҳэм”дан кетиш ҳақидаги саволга қуйидагича жавоб берди:
— Ҳали яна бир йиллик шартномам бор. Ҳозирча кетиш ёки қолиш борасида ҳеч нарса дея олмайман. Лекин қаерда бўлмасин, доим қўлимдан келганича ҳаракат қиламан.
Сон Хён Мин “Тоттенҳэм” сафида 2015 йилдан бери тўп сурмоқда. Ўтган мавсумда у барча мусобақалар доирасидаги 46 та ўйинда майдонга тушиб, ўз ҳисобига 11 та гол ва 12 та голли узатма ёздириб қўйган. 32 ёшли жанубий кореялик футболчининг ҳозирги шартномаси 2026 йил июнь ойигача амал қилади.
“Тоттенҳэм” Англия чемпионатини 17-ўринда якунлаганига қарамай, Европа Лигасида ғолиб бўлиб, Чемпионлар Лигаси йўлланмасига эга чиқди.
Изоҳ (0)