Янги мавсумга тайёргарлик кўраётган Европанинг кўплаб кучли Халқаро чемпионлар кубогида қатнашмоқда. Мусобақа доирасида яна бир нечта учрашув бўлиб ўтди.
Жумладан, Англиянинг икки гранди — «Манчестер Юнайтед» ҳамда «Ливерпуль» ўртасидаги баҳсда Клопп шогирдлари 1:4 ҳисобида ғалаба қозонди. Мане, Cтарриж, Оджо ҳамда Шақирининг голларига «Юнайтед» фақатгина бир бор — Перейранинг голи билан жавоб қайтарди, холос.
Хосеп Гвардиола бошчилигидаги «Манчестер Сити» эса Нико Ковач бошлиқ «Бавария»ни 3:2 ҳисобида мағлуб этди. «Сити» таркибида Бернарду Силва дублга эришди.
Каталониянинг «Барселона» жамоаси эса Лондоннинг «Тоттенҳэм»и билан кураш олиб борди. Асосий вақтда 2:2 ҳисоби қайд этилган бўлса, пенальтилар сериясида «Барселона» 5:3 ҳисобида ғалаба қозонди.
Лондоннинг «Челси»си Миланнинг «Интер» жамоасига қарши баҳс олиб борди. Учрашув асосий вақтида 1:1 ҳисоби кузатилди. Пенальтилар бўйича эса «Челси» 5:4 ҳисобида «Интер»дан устун келди.
«Бенфика» ҳамда «Ювентус» учрашувининг асосий вақти ҳам 1:1 ҳисобида якунига етиб, ғолиб пенальтилар сериясида аниқланди. Туринликлар бу борада омадли чиқиб, 2:4 ҳисобидаги ғалабани тантана қилди.
Халқаро чемпионлар кубоги
28-29 июль кунги учрашувлар
Изоҳ (0)