АҚШ президенти Дональд Трамп Бразилия фуқаролари учун виза беришни чеклаш масаласини кўриб чиқмоқда. Ушбу чоралар 2026 йилги футбол бўйича Жаҳон чемпионати даврини ҳам қамраб олиши мумкин. Бу ҳақда CNN Брасил нашри хабар берди.
Манбага кўра, Трамп маъмурияти бу орқали Бразилиянинг ички сиёсатига, айниқса амалдаги ҳукуматга бўлган жамоатчилик муносабатини босим остига олишга уринмоқда. Шунингдек, яқинда Бразилия сенаторларининг АҚШга уюштирган ташрифи чоғида уларга визалар қисқа муддатга берилгани қайд этилган. Бу эса чекловлар аллақачон амалда қўлланилаётганини кўрсатмоқда.
Ўз навбатида, Бразилия футбол конфедерацияси (CBF) ҳозирча расмий баёнот бермоқчи эмас. Мамлакат футбол конфедерацияси эҳтимолий санкцияларга тайёрлигини билдирган. Конфедерация ўз мухлисларининг манфаатларини ҳимоя қилишга ваъда бермоқда. Сабаби, улар илгари ҳеч қачон терма жамоани Жаҳон чемпионатларида қўллаб-қувватлаш ҳуқуқидан маҳрум бўлмаган.
Эслатиб ўтамиз, 2026 йилги Жаҳон чемпионатида 48 терма жамоа иштирок этади. Мусобақа 11 июндан 19 июлгача АҚШ, Канада ва Мексика майдонларида бўлиб ўтади.
Изоҳ (0)