Ўзбекистонда 2—3 август кунлари ҳаво ҳарорати 32-35 даража атрофида бўлади.
“Ўзидромет” прогнозларига кўра, август ойининг биринчи кунларида Ўзбекистон ҳудуди бўйича асосан кам булутли ва қуруқ об-ҳаво сақланиб туради. Фақат 1 август, жума куни кундузи Фарғона водийсида, шунингдек, Тошкент вилоятининг тоғолди ва тоғли ҳудудларида баъзи жойларда қисқа муддатли ёмғир ёғади, момақалдироқ кузатилади.
Ҳаво ҳарорати дам олиш кунлари 32-35 даража атрофида, жанубда баъзи жойларда 38 даражагача бўлади. Бу август ойи боши учун кузатилган иқлим меъёрларидан 1-2 даражага пастдир.
Республиканинг айрим жойларида шамол тезлиги 13-16 метр/секундгача кучайиши, чанг-тўзон билан кузатилиши кутилмоқда.
1 август куни Тошкент, Андижон, Наманган, Фарғона вилоятларининг тоғолди ва тоғли ҳудудларида сел-сув тошқини юзага келиши мумкин.
Тошкентда дам олиш кунлари ҳаво асосан кам булутли бўлади. Ҳарорат кечаси 20-23 даража, кундузи 32-35 даража бўлади.
Изоҳ (0)