24 ноябрь, шанба куни футбол бўйича Англия премьер лигасининг 13-тури доирасида «Тоттенҳэм»—«Челси» беллашуви бўлиб ўтди.
Учрашувда ҳисоб 8-дақиқада очилди. Деле Алли Кристиан Эриксеннинг узатмасини «Челси» дарвозасига жойлаб қўйди. 16-дақиқада Ҳарри Кейн узоқ масофадан Кепа дарвозасини ишғол этди. Иккинчи бўлимнинг 54-дақиқасида Сон Ҳён Мин «Челси» дарвозасига учинчи голни киритди. Сарри шогирдлари 85-дақиқага келиб, «шпорлар»нинг учта голига битта гол билан жавоб берди. Гол муаллифи захирадан ўйинга қўшилган Оливье Жиру бўлди.
Шу тариқа «Тоттенҳэм» уч очкони қўлга киритиб, ўз ҳисобидаги очколари сонини 30 тага етказиб, «Челси»ни мусобақа жадвалида қувиб ўтди.
Англия премьер лигаси
13-тур баҳслари
24 ноябрь, шанба
«Тоттенҳэм» – «Челси» 3:1
Голлар: 1:0 – 8 Алли, 2:0 – 16 Кейн, 3:0 – 54 Сон Хён Мин, 3:1 – 85 Жиру.«Тоттенҳэм»: Льорис, Фойт, Дэвис, Оре, Алдервейрелд, Эриксен, Сиссоко, Дайер, Алли (Уинкс, 87), Сон (Ламела, 78), Кейн.
«Челси»: Аррисабалага, Рюдигер, Алонсо, Аспиликуэта, Давид Луиз, Ковачич (Баркли, 58), Жоржиньо, Виллиан (Жиру, 76), Канте, Азар, Мората (Педро, 58).
Огоҳлантиришлар: Рюдигер (19), Азар (45), Жоржиньо (72)
Изоҳ (0)