2 декабрь, якшанба куни футбол бўйича Англия премьер лигаси 14-туридан ўрин олган навбатдаги Лондон дербиси якунига етди.
Унда «Арсенал» жамоаси ўз майдонида «Тоттенҳэм»ни қабул қилди. Ўйинда ҳисоб 10-дақиқада очилди. Пьер-Эмерик Обамеянг «Тоттенҳэм» дарвозасига белгиланган пенальтини аниқ амалга оширди. 30-дақиқада Эрик Дайер Кристиан Эриксеннинг узатмасини голга айлантириб, ҳисобни тенглаштирди. 34-дақиқада Ҳарри Кейн «Арсенал» дарвозаси томон белгиланган 11 метрли жарима зарбасини аниқ амалга ошириб, «шпорлар»ни ҳисобда олдинга олиб чиқди.
Иккинчи бўлимнинг 56-дақиқасида Обамеянг дублни расмийлаштириб, мувозанатни тиклади. Захирадан ўйинга қўшилган Александр Ляказетт 74-дақиқада «Арсенал» ҳисобда олдинга олиб чиқди. 77-дақиқада эса Лукас Торрейра «канонирлар»нинг 4:2 ҳисобида ғалаба қозонишини таъминлади.
Англия премьер лигаси
14-тур баҳси
2 декабрь, якшанба
«Арсенал»—«Тоттенҳэм» 4:2
Голлар: 1:0 – 10, пенальти Обамеянг, 1:1 – 30 Дайер, 1:2 – 34, пенальти Кейн, 2:2 – 56 Обамеянг, 3:2 – 74 Ляказетт, 4:2 – 77 Торрейра.«Арсенал» – Лено, Папастатопулос, Холдинг, Колашинац, Мустафи (Гундузи, 71), Мхитарян (Рэмзи, 46), Торрейра, Ивоби (Ляказетт, 46), Жака, Бельерин, Обамеянг.
«Тоттенҳэм» – Льорис, Вертонген, Дэвис (Роуз, 82), Орье, Фойт, Сиссоко, Дайер, Эриксен, Алли (Уинкс, 79), Сон Хён Мин (Лукас Моура, 79), Кейн.
Огоҳлантиришлар: Вертонген (9), Дайер (32), Мустафи (37), Жака (49), Алли (65), Торрейра (78), Орье (90).
Четлатиш: Вертонген (85).
Изоҳ (0)