“Милан” ва “Наполи” жамоаларининг собиқ устози Женнаро Гаттузо расман Италия терма жамоасининг янги бош мураббийига айланди. Бу ҳақда терма жамоа матбуот хизмати хабар берди.
Гаттузо ушбу лавозимда Лучано Спаллеттининг ўрнини эгаллади. Унинг жамоаси Жаҳон чемпионати саралаш босқичининг биринчи турида Норвегияга 0:3 ҳисобидаги йирик мағлубиятга учради ва шундан кейин истеъфога чиқарилди.
47 ёшли Гаттузо олдида ниҳоятда масъулиятли вазифа турибди. У Италия терма жамоасини 2026 йилги Жаҳон чемпионатига олиб чиқиши керак. Чунки Аппенин ярим ороли вакиллари охирги икки мундиалда иштирок этгани йўқ ва Женнародан ушбу қора анъанани йўққа чиқариш талаб этилади.
Маълумот учун, “Скуадра Адзурра” сўнгги бор 2014 йил Бразилияда бўлиб ўтган Жаҳон чемпионатида қатнашган эди.
Италия термасининг навбатдаги учрашуви 5-сентябрь куни бўлиб ўтади. Улар ўша куни Эстония терма жамоасини синовдан ўтказади.
Изоҳ (0)