Футболдаги ижодкорлик нафақат футболчилар ва мураббийларга, балки ўйинчиларга ўзига хос лақабларни ўйлаб топиш имкониятини қўлдан бой бермайдиган мухлисларга ҳам хосдир. Қуйида мухлислар томонидан футболчиларга берилган ғаройиб ва ўзига хос лақаблар ҳақида фикр юритамиз.
Роналдо — «сўйлоқ». Бразилиялик ҳужумчини мухлислар тишларининг ўзига хос тузилиши сабаб эркалаш оҳангида шундай атаган. Фото: Getty Images
Роналдиньо — «сеҳргар». Кичик Роналдо, яъни Роналдиньо ўзининг ақл бовар қилмас ҳаракатлари орқали «сеҳргар» номини олган. Фото: Getty Images
Франческо Тотти — «Рим императори». Тотти ҳақида гап кетганда исталган футбол мухлиси биринчи навбатда «Рома» ва кўҳна Римни эслайди. Франческо эса бутун фаолиятини ушбу клуб ва шаҳарда ўтказган. Фото: Getty Images
Криштиану Роналду — «машина». Португалиялик даҳо ўзининг профессионаллиги ва барқарорлиги билан ушбу эътирофга лойиқ кўрилган. Шунингдек, «Спортинг»да ўйнаган кезлари уни «йиғлоқи» деб ҳам аташган. Ўшанда Роналду жамоасининг ҳар бир мағлубиятини оғир қабул қиларди ва кўз ёшларини беркитиб ўтирмасди. Фото: «Ювентус»
Тони Кросс — «профессор». Совуққонлик борасида замонавий футболда Кроссга тенг келадиган ўйинчи бўлмаса керак. Германиялик узатмаларни шу қадар аниқ амалга оширадики, гўё у ҳаммасини олдиндан ҳисоблаб чиққандек. Фото: Twitter
Пепе — «телба». Зийрак футбол мухлислари биладики, Пепе ҳеч қачон қўпол ўйнашдан уялмаган, ва аксинча у буни завқ билан амалга оширади. Фото: Marca
Месси — «бурга». Аслида Мессига нима сабабдан ушбу лақаб берилганига ортиқча изоҳ бериш шарт эмас. Шунга қарамай яна бир бор эслатиб ўтиш зарар қилмайди: тўп билан ҳаракатланаётган вақтда Леони ушлаб бўлмайди. Фото: Getty Images
Карлес Пуйоль — «Тарзан». «Барселона»нинг афсонавий ҳимоячиси соч турмаги ва ҳаракатлари асар қаҳрамонидан фарқ қилмасди. Фото: Marca
Женнаро Гаттузо — «питбул». Гаттузо майдон марказида шу қадар жон-жаҳди билан ўйнардики, уни алдаб ўтиш деярли имконсиз эди. Фото: Goal
Филипп Лам — «меҳнаткаш чумоли». Фаолияти давомида умуман қизил карточка олмаган Лам майдонда тинимсиз югурарди, ҳатто тўп майдондан чиқиб кетган вақтда ҳам. Фото: Twitter
Франк Рибери — «чандиқли киши». Рибери икки ёшида оиласи билан бирга автоҳалокатга учрайди ва тўқнашув оқибатида юзига чандиқ тушади. Кейинчалик унга пластик жарроҳлик амалиёти ўтказишни таклиф қилинади. Бироқ Рибери чандиқ унга куч бағишлашини айтиб, бундан бош тортган. Фото: Getty Images
Уэйн Руни — «Шрек». Англия футболи афсонаси ўзига берилган лақабдан хурсанд бўлмаслиги аниқ. Фото: Getty Images
Хавьер Эрнандес — «Чичарито». Эрнандеснинг отасининг лақаби «Чичаро», яъни нўхат бўлган. Шунинг учун футболчига болалигида «Чичарито» («нўхат болакай») номи берилади. Фото: Twitter
Хавьер Занетти — «трактор». Аргентиналик ҳимоячи ҳар доим майдонда ўзининг энг кучли сифатларини намоён этган: чидамлилик, куч ва энг оғир меҳнатларни қилувчи. Фото: Twitter
Мезут Ўзил — «Немо». Ўз вақтида майдондаги нафис ҳаракатлар ва ассистлар қироли бўлган Ўзилнинг мультфильм қаҳрамонига ўхшаши кўпгина ҳазилларга сабаб бўлади. Фото: Google Images
Эдинсон Кавани — «Эл-Матадор». Каванига эса жисмоний имкониятлари ва ўзини тутиши сабаб «буқалар овчиси» лақаби берилган. Фото: Twitter
Оливер Канн — «Горилла». Германиялик афсонавий дарвозабон майдонда на рақибларини ва на жамоадошларини аяган. Унинг ташқи кўриниши эса ҳатто ҳужумчиларни ҳам чўчитган дейиш мумкин. Фото: Twitter
Изоҳ (0)