«Рома» бош мураббийи Жозе Моуриньо «Эвертон»дан тушган таклифни рад этди.
Мерсисайд жамоаси бош мураббий Рафаэл Бенитесни истеъфога чиқарди ва португалиялик мутахассисга таклиф билан чиқди. Аммо Моуриньо ушбу таклифни рад этди ва «Рома»да қолишини билдирди, дея хабар қилмоқда The Telegraph.
Sky Sports’нинг хабарига кўра, Жозе Моуриньодан ташқари «Эвертон»нинг қисқа рўйхатида «Челси»нинг собиқ мураббийи Фрэнк Лэмпард, «Дерби Каунти» бош мураббийи Уэйн Руни, «Брайтон»дан Грем Поттер, Бельгия терма жамоаси устози Роберто Мартинес ва «Рома»нинг собиқ бош мураббийи Руди Гарсия каби мутахассислар ўрин олган. Ундан ташқари жамоани мавсум сўнгига қадар Данкан Фергюсон бошқариши мумкин.
Журналист Николо Скира ўз Twitter саҳифасида «Милан»нинг собиқ мураббийи Женнаро Гаттузо ҳам мерсисайдликларнинг рўйхатидан ўрин олганини ёзди. Инглиз жамоаси Гаттузонинг агенти Жорже Мендеш билан боғланган.
«Эвертон» АПЛ 2021/22 йилги мавсумидаги 19 ўйинда 19 очко жамғариб, 16-ўринда бормоқда.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)