Футбол бўйича Италия А Серияси 36-тури доирасида «Наполи» жамоаси 11 май, сешанба куни ўз уйида «Удинезе»ни қабул қилди.
Учрашувда ҳисоб 28-дақиқада мезбонлар ярим ҳимоячиси Пётр Зелиньски томонидан очилди. 31-дақиқада Фабиан Руис ўзининг ўта кучли зарбаси орқали мезбонларнинг ҳисобдаги устунлигини оширди. Биринчи бўлим якунига 4 дақиқа қолганда меҳмонлар ҳисобни қисқартиришга эришди. Гол муаллифи — Окака Чука. 56-дақиқага келиб Ирвинг Лосано «Наполи»нинг ўйиндаги учинчи голин урган бўлса, орадан 10 дақиқа ўтиб ҳимоячи Жованни ди Лоренцо ҳам ўз номига гол ёздириб қўйишга эришди. Ўйинга якуний нуқтани 90+1-дақиқада неаполликлар сардори Лоренцо Инсинье қўйди. У жарима майдончасига кирмасдан тўпга зарба берди ва «Удинезе» посбонини ожиз қолдирди.
Ушбу ғалабадан сўнг Женнаро Гаттузо шогирдлари очколари сонини 73 тага етказиб, А Серия мусобақа жадвалига «Аталанта»ни (72 очко) ортда қолдирган ҳолда 2-ўринга кўтарилиб олди. «Удинезе» эса 40 очкоси билан 12-ўринни банд этган.
А Серия
36-тур баҳси
11 май, сешанба
«Наполи» – «Удинезе» 5:1
Голлар: 1:0 – 28 Зелиньски, 2:0 – 31 Фабиан Руис, 2:1 – 41 Окака Чука, 3:1 – 56 Лосано, 4:1 – 66 Ди Лоренцо, 5:1 – 90 Инсинье.
«Наполи» – Мерет, Манолас, Ррахмани, Ҳюсай (Мариу Руй, 84), Ди Лоренцо, Бакаёко (Демме, 84), Фабиан Руис, Лосано (Политано, 76), Зелиньски (Элмаз, 76), Инсинье, Осимҳен (Мертенс, 70).
«Удинезе» – Муссо, Молина, Бонифаци, Ларсен, Зегелар (Самир, 76), де Пауль, Макенго (Палумбо, 86), Перейра, Уолас (Foresterи, 54), Родриго Бекао (Аувеян, 54), Окака Чука (Мичин, 76).
Огоҳлантириш: Бонифаци (54).
Изоҳ (0)