Иван Ракитич эркин агент сифатида “Ҳайдук” сафига бориб қўшилди.
36 ёшли футболчи Сплит клуби билан 2025 йил июнь ойига қадар мўлжалланган шартнома имзолади. Шунингдек, битимда уни бир йилга узайтириш банди ҳам мавжуд.
Хорватиялик футболчининг сўнгги клуби Саудиянинг “Аш-Шабоб” клуби эди. Иван Саудия клуби мухлисларига миннатдорлик хабарини ҳам юборди.
Иван Ракитич фаолияти давомида “Базел”, “Севилья”, “Барселона”, “Шалке” каби жамоалар шарафини ҳам ҳимоя қилган.
Хорватия клубининг бош мураббийи Женнаро Гаттузо ҳисобланади. Ракитичдан ташқари клубга 35 ёшли вингер Иван Перишич ҳам ўтган. Никола Калинич эса клубнинг спорт директори лавозимида фаолият олиб бормоқда.
Изоҳ (0)