“Паразитлар” фильми билан танилган Жанубий Кореянинг CJ ENM студияси “Cat Biggie” номли қисқа метражли анимацион сериални тақдим этди. Мазкур лойиҳа ишлаб чиқаришнинг барча босқичларида сунъий интеллектда фойдаланган илк сериал бўлди.
Сериал сюжети Бигги лақабли мушук ҳақида бўлиб, у кутилмаганда қуш боласи учун оталик қилишга мажбур бўлади. Ҳар бири икки дақиқалик 30 қисмдан иборат сериал атиги олти кишидан иборат жамоа томонидан беш ой ичида яратилган.
“Биз сунъий интеллектни контент яратишнинг барча босқичларида — режалаштириш, ишлаб чиқариш, тарқатиш ва маркетингда қўллаяпмиз. Мақсадимиз турли жанр ва форматларда сунъий интеллект асосидаги фильм ва сериаллар ишлаб чиқаришни кенгайтиришдир”, деди CJ ENM студиясининг стратегия бўйича директори Шин Кен Суп.
Ишлаб чиқаришда иккита асосий тизим: Cinematic AI ва AI Script’дан фойдаланилади. Cinematic AI тасвир, видео, товуш ва овозни ягона платформага бирлаштириб, 3D қаҳрамонлар ва уларнинг атрофидаги маконни автоматик тарзда моделлаштиради. AI Script эса аудитория талаблари ва бозордаги талабларни таҳлил қилиб, энг мос жанр ва медиа форматларни таклиф қилади.
CJ ENM ўзини “глобал сунъий интеллект студияси” деб атайди. Компания яқин бир йил ичида илғор технологиядан фойдаланган ҳолда яна кўплаб фильм ва сериаллар ишлаб чиқаришни режалаштирмоқда.
Изоҳ (0)