“Калмар ўйини”нинг янги мавсумидаги ҳар бир саҳнада яширин ишоралар мавжуд. Аслида кўрсатмалар ҳамма жойда бор эди — деворларда, кийимларда, тасодифий сўзларда. Бироқ ўйинчилар ва томошабинлардан қайси бири уларнинг маъносини тушуна оларди?
Деворлардаги ёзувлар
Биринчи мавсумда бўлгани каби бу сафар ҳам деворларда яширин маълумотларни кўриш мумкин. Фақат бу гал ўйинларга ишора эмас, балки огоҳлантирувчи ёзувлар эди.
Лотин ёзувидаги Hodie mihi ва унинг қарама-қарши девордаги давоми Cras tibi — “Бугун менга, эртага сенга” деган маънони англатади. Ўрта аср қабртошларидан олинган бу оддий ибора, барча ўлимга маҳкумлигини эслатади.
Рамзий маъноси шундаки, ўйинчилар яна бир хавфли ўйиндан омон қайтганларида бу ёзув кўзга ташланади.
Деворларга яна нималар ёзилган?
Энди девордаги корейсча иборага эътибор беринг: 사람 조심 바보 - “Одамлардан эҳтиёт бўл, аҳмоқ”. Ки Хун буни олдинроқ пайқаганида, эҳтимол, ўзгарган Бошловчига ишонмаган бўларди.
Туғилишнинг рамзий саҳнаси
222-чи чақалоқнинг дунёга келиш онлари, қонли бекинмачоқ ўйини пайтида шаршаралар тасвирланган хонада кечади. Бу шунчаки расмлар деб ўйлайсизми? Йўқ, ҳомила сувларига ишора. Ташқарига чиқиш эшиги ҳам бежиз қонли кафтлар изи билан қопланмаган.
“Биз томошабинлар ҳаётнинг қисқалигини ва содир бўлаётган воқеаларнинг бемаънилигини ҳис қилишларини хоҳладик. Бу ҳаётга маҳкам ёпишишга уринган, аммо буни уддалай олмаган одамларнинг излари”, дейди шоу-раннерлардан бири.
Ижодкорларнинг шафқатсиз ҳазиллари
Учинчи мавсумда ижодкорлар ҳатто киноя қилишда ҳам аяб ўтирмайди. “Хавфсизлик ҳар нарсадан устун” ёзуви бор хонада ўйинчилар арқончадан сакролмай, жарликка қулайди.
Аввалги мавсумларда 456-рақамли кийим кураш рамзи эди, энди эса ҳимояни ифодалаяпти. Бу сафар у бола устига ёпилган. 456-рақамли ўйинчи энди оддий иштирокчи эмас. У ўзининг шунчаки гаровга тикса бўладиган от эмас, балки инсон эканини эслаётган сўнгги кишидир.
Қўшимча маълумот сифатида: 222-рақамли бола 45,6 миллиард корейс вони тахминан 25 млн 500 минг долларга тенг пул ютиб олади. Бу маблағ фаровон ҳаёт кечириш, ҳатто фарзандларга ҳам қолдириш учун етади. Шундай қилиб, она гарчи ақлсизлик қилган бўлса-да, билвосита қизининг келажагини таъминлади.
Изоҳ (0)