Самарқандда йигит отасини қайчи билан ўлдириб қўйди

Самарқанд вилояти Нуробод туманида 2022 йил 18 декабрь куни отаси ўлдирган йигитга суд ҳукми ўқилди. Бу ҳақда “Замон” хабар берди.

Маълум бўлишича, йигит шу куни уйида спиртли ичимлик истеъмол қилган, тунда отаси ҳам унга қўшилиб ароқ ичган. Шундан сўнг улар ўртасида жанжал келиб чиққан.

Йигит отасининг пешона, юз ва бошқа қисмларига қўли билан уриб, жағ тишларини синдирган. Шундан сўнг у отасини бўғиб, дераза токчасида турган қайчини бўйнига суқиб олган.

“Онамни касал қилиб ўлдирди. Шу иш яхшими? Отаси тирик бўла туриб, етим ўсиш нима эканлигини мен биламан. Болаликдан акаларим билан меҳнатда улғайдик. Онамнинг ўлимидан кейин бу мен сабабли бўлди деб бирор марта ўйламади”, — дейди йигит.

Суд ҳукмига кўра, фуқаро Жиноят кодексининг 97-моддаси 2-қисми “в, ж” бандлари билан айбли деб топилиб, 15 йил муддатга озодликдан маҳрум қилинди. Жазони умумий тартибли колонияда ўташ белгиланди.