Германиялик тажрибали футболчи Томас Мюллер “Бавария” клубидан кетди. Оммавий ахборот воситаларида у фаолиятини MLS жамоаларининг бирида давом эттириши мумкинлиги ҳақида хабарлар тарқалган эди. Бироқ Goal нашрининг ёзишича, Мюллерга Европа клублари ҳам қизиқиш билдирмоқда.
Манбага кўра, тажрибали ҳужумчига Австриянинг “Рапид” (Вена) клуби расмий таклиф юборган. Ушбу жамоа Мюллерга йилига 3 миллион евро маош таклиф қилган. Бу унинг қарорига таъсир қилиши мумкин. Сабаби, MLS клублари футболчига нисбатан камроқ — йилига 1,7 миллион евро атрофида маош беришини маълум қилган.
Аввалроқ Мюллер Германия ташқарисидаги клубларда ўйнаш истагини билдирган эди. Шу сабабли “Рапид” клуби унинг кейинги жамоасига айланиши эҳтимоли катта.
Маълумот учун, Томас Мюллер “Бавария” сафидаги фаолияти давомида 756 та расмий ўйинда майдонга тушиб, 250 та гол ва 276 та голли узатмага муаллифлик қилган. У клуб тарихидаги энг кўп ўйин ўтказган футболчилардан бири ҳисобланади. Transfermarkt портали унинг қийматини 6 миллион еврога баҳоламоқда.
Изоҳ (0)