Germaniyalik tajribali futbolchi Tomas Myuller “Bavariya” klubidan ketdi. Ommaviy axborot vositalarida u faoliyatini MLS jamoalarining birida davom ettirishi mumkinligi haqida xabarlar tarqalgan edi. Biroq Goal nashrining yozishicha, Myullerga Yevropa klublari ham qiziqish bildirmoqda.
Manbaga ko‘ra, tajribali hujumchiga Avstriyaning “Rapid” (Vena) klubi rasmiy taklif yuborgan. Ushbu jamoa Myullerga yiliga 3 million yevro maosh taklif qilgan. Bu uning qaroriga ta’sir qilishi mumkin. Sababi, MLS klublari futbolchiga nisbatan kamroq — yiliga 1,7 million yevro atrofida maosh berishini ma’lum qilgan.
Avvalroq Myuller Germaniya tashqarisidagi klublarda o‘ynash istagini bildirgan edi. Shu sababli “Rapid” klubi uning keyingi jamoasiga aylanishi ehtimoli katta.
Ma’lumot uchun, Tomas Myuller “Bavariya” safidagi faoliyati davomida 756 ta rasmiy o‘yinda maydonga tushib, 250 ta gol va 276 ta golli uzatmaga mualliflik qilgan. U klub tarixidagi eng ko‘p o‘yin o‘tkazgan futbolchilardan biri hisoblanadi. Transfermarkt portali uning qiymatini 6 million yevroga baholamoqda.
Izoh (0)