Ўзбекистонда иқтисодий фаол аҳолининг 33 фоизи камида битта банк кредитига эга.
-bXZKwWEQ.avif)
Марказий банк маълумотларида келтрилишича, 2025 йил 1 июнь ҳолатига кўра, мамлакатда қарийб 5 миллион киши камида битта банк кредитига эга. Банклардан кредит олган аҳолининг тахминан 27 фоизи, яъни 1,4 миллион кишида икки ёки ундан ортиқ кредити бор.
Банклардан кредит олган жисмоний шахсларнинг:
- 11 фоизида 3 та ва ундан ортиқ;
- 16 фоизида 2 тадан;
- 73 фоизида 1 та кредит бор.
2020 йил бошида учта ёки ундан кўп кредитга эга бўлганлар улуши 5 фоизни ташкил этган. Ўша йилда икки кредитга эга бўлганлар улуши 13 фоиз бўлган. Битта кредити борлар эса 82 фоизни ташкил этган.
Бу ўзгаришлар аҳолининг кредитдан кўпроқ фойдаланаётганини ва молиявий ресурсларга бўлган эҳтиёж ошиб бораётганини кўрсатади.
Ўзбекистонда аҳолига кредит ажратиш билан боғлиқ инсофсиз амалиётлар ёки ҳақиқатга тўғри келмайдиган тушунтиришлар билан кредит беришни рад этиш ҳолатлари ҳам кузатилмоқда. Марказий банк бундай амалиётларни тўхтатишга чақириб, барча кредит ташкилотларига хат юборганди. Давлат томонидан тўланадиган ижтимоий нафақаларни кредит бўйича қарздорликни сўндириш мақсадида эгаларининг розилигисиз уларнинг банк карталаридан ечиб олинишини ҳам тўхтатишга чақирганди.
Изоҳ (0)