Исроилдаги хорижий фуқаролар визаси муддати автоматик тарзда узайтирилди, деб хабар бермоқда Ўзбекистоннинг Исроилдаги элчихонаси.
Исроилдаги жорий хавфсизлик вазияти муносабати билан мамлакат Ички ишлар вазирлиги ҳамда Аҳоли ва иммиграция масалалари бошқармаси томонидан қуйидаги турдаги визалар муддати автоматик тарзда 2025 йилнинг 30 сентябригача узайтирилди:
- Б/1 — ишлаш рухсати (умумий);
- Б/2 — сайёҳлик визаси;
- А/1 — репатриантлар визаси;
- А/2 — талабалар визаси;
- А/3 — диний ходимлар визаси;
- А/4 — А/2 ва А/3 виза эгаларининг оила аъзолари визаси.
Ушбу автоматик узайтириш фақатгина 2025 йил 12 июнь куни ёки ундан кейин визаси муддати тугаётган хорижий фуқароларга тааллуқлидир.
Бунда ҳеч қандай қўшимча ҳаракатлар талаб қилинмайди — муддат узайтирилиши автоматик равишда амалга оширилади.
Элчихонанинг фуқароларга мурожаатлари:
- Исроил ҳаво ҳудуди ёпилиши сабаб авиақатновлар вақтинча тўхтатилди.
- Исроилдаги ўзбекистонликларга заруриятсиз кўнгилочар жойларга бормаслик тавсия қилинди.
- Эрондаги ўзбекистонликлар ракета отишмалари сабаб огоҳликка чақирилди.
- Исроилдаги ўзбекистонликлар эҳтимолий ҳужумлар туфайли огоҳликка чақирилди.
- Фронт орти буйруғи: Ўзбекистоннинг Исроилдаги элчихонаси мурожаат билан чиқди.
Ўзбекистон Ташқи ишлар вазирлиги Яқин Шарқда тобора кескинлашаётган ҳарбий-сиёсий вазият муносабати билан Эрон ва Исроилда бўлган Ўзбекистон фуқароларига тавсиялар берди. Жумладан:
- ҳарбий ва бошқа давлат объектларига яқинлашмаслик, уларни фото ва видеога олмаслик;
- одамлар кўп тўпланадиган жойлардан йироқда бўлиш;
- маҳаллий ҳукумат органлари томонидан берилаётган кўрсатмаларга сўзсиз риоя қилиш, зарурат туғилганда махсус бошпаналарга ёки хавфсиз жойларга йўл олиш.
Фуқаролардан зарурат туғилганда Ўзбекистоннинг Эрон ва Исроилдаги дипломатик ваколатхоналари билан боғланиш сўралди.
Изоҳ (0)