Ўзбекистон президенти Остона шаҳрида “Марказий Осиё - Хитой” иккинчи саммитида иштироки, Ўзбекистон ТИВ Исроил—Эрон можароси бўйича провокацияга учмасликка чақириши, Тошкентдаги “Сокин” подстанциясида юзага келган носозлик сабаб учта туманда “свет” ўчиши — “Дарё” нашри 17 июнда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда ҳайдовчилар учун маъмурий огоҳлантириш чораси киритилади
Бу ижтимоий хавфлилиги кам бўлган йўл ҳаракати хавфсизилиги билан боғлиқ ҳуқуқбузарликлар учун қўлланади.
Ўзбекистонда IT йўналишига ихтисослаштирилган мактаблар тармоғи кенгайтирилади
Математика, информатика ва ахборот технологиялари, робототехника фанлари қўшимча ўқув дастурлари асосида ўқитилиши таъминланади.
Ўзбекистондаги айрим дорихоналар 2,6 млрд сўмдан ортиқ асоссиз даромад олгани аниқланди
Уларни қайтариш бўйича тегишли чоралар кўрилди.
Женнифер Лопеснинг Тошкентдаги концерти қайси маблағлар ҳисобига ташкил этилаётгани маълум қилинди
Расмийларнинг билдиришича, бу билан боғлиқ барча харажатлар давлатдан бир тийин ҳам маблағ олинмасдан амалга ошириляпти.
Илҳом Ҳайдаров Ўзбекистоннинг Туркиядаги элчиси бўлди
У ташқи ишлар вазири ўринбосари лавозимида ишлаб келаётганди. “Ўзбекенгилсаноат” (ҳозирги “Тўқимачилик ва тикув-трикотажсаноат” уюшмасига 15 йил раҳбарлик қилиб, соҳа ривожига ҳисса қўшган.
Ўзбекистонда йўл қоидабузарлиги учун қарор кечиктирилса, жарима бекор қилинади
Бу кўзда тутилган қонун лойиҳаси депутатлар томонидан биринчи ўқишда қабул қилинди.
Шавкат Мирзиёев Қозоғистонда Си Цзиньпин билан музокара ўтказди
Етакчилар ҳузурида Ўзбекистоннинг ЖСТга аъзо бўлиши бўйича икки томонлама музокаралар якунлангани тўғрисида баённома имзолангани эълон қилинди.
Ўзбекистонда мансабдорлар ҳаракати сабаб етказилган зарар ўрнини қоплаш бўйича қонун лойиҳаси қабул қилинди
Ушбу ҳужжат айбдор мансабдорларни жавобгарликка тортишга қаратилган.
Ўзбекистон ТИВ Исроил—Эрон можароси бўйича провокацияга учмасликка чақирди
Вазирлик тинчликпарварлик, бағрикенглик ва масъулиятли фуқаролик позициясини сақлашни сўради.
“Совуққон, мулоҳазали ва бағрикенг бўлинг”. Ўзбекистон ТИВ Эрон—Исроил можароси ҳақида фикр билдиришда ўзбекистонликларга тавсиялар берди
Ўзбекистон икки давлат билан ҳам ўзаро мустаҳкам дипломатик алоқаларга эга.
“Андижон дўпписи” географик кўрсаткич сифатида патентланди
Ушбу дўппи Андижон вилоятининг ҳунармандчилик анъаналари, каштачилик мактаби ва маданий рамзларига асосланган.
Шавкат Мирзиёев “Марказий Осиё – Хитой” саноат ва инфратузилма макони" узоқ муддатли стратегиясини ишлаб чиқишни таклиф қилди
Ўзбекистон президенти Остона шаҳрида “Марказий Осиё - Хитой” иккинчи саммитида иштирок этди.
“Низоли халқаро масалалар ва зиддиятли муаммоларни ҳал қилиш учун куч ишлатиш воситаларидан фойдаланиш ўзини оқламайди ва бунга йўл қўйиб бўлмайди” – Шавкат Мирзиёев
Ўзбекистон етакчиси барча низо ва зиддиятлар фақат дипломатик саъй-ҳаракатлар йўли билан – музокаралар столида ҳал этилиши шарт эканлигини айтди.
Ўзбекистоннинг Исроилдаги элчихонаси: Фронт орти буйруғи томонидан огоҳлантириш тартиби янгиланди
Огоҳлантириш ракеталар билан боғлиқ хавф-хатар юзага келган ҳолатда берилади.
“Мулкдор ноқонуний эшик очишга уринган”. Янгиҳаётдаги “дом”ларнинг сифатсизлиги айтилгач, масъул ташкилот вазиятга аниқлик киритди
Видеолавҳада мулкдор ўзбошимчалик билан бузиш ишларини олиб бориб, ўша жойни қурилиш материаллари билан қўлбола усулда вақтинчалик ёпиб қўйгани кўринган.
Баҳромжон Аълоев Эрон ва Исроилнинг Ўзбекистондаги элчилари билан Яқин Шарқдаги вазиятни муҳокама қилди
Суҳбат чоғида савдо-иқтисодий, транспорт-логистика соҳаларидаги икки томонлама ҳамкорлик юзасидан ҳам фикр алмашилди.
Шоҳимардон ва Сўхга боришдаги постлар 24 соатлик иш тартибига ўтказилади
Мазкур чора-тадбирлар постларда юзага келадиган тирбандликларнинг олдини олиш мақсадида жорий этилмоқда.
Тошкентдаги “Сокин” подстанциясида юзага келган носозлик сабаб учта туманда “свет” ўчди
Носозлик энергетиклар томонидан бартараф этилди.
Изоҳ (0)