O‘zbekiston prezidenti Ostona shahrida “Markaziy Osiyo - Xitoy” ikkinchi sammitida ishtiroki, O‘zbekiston TIV Isroil—Eron mojarosi bo‘yicha provokatsiyaga uchmaslikka chaqirishi, Toshkentdagi “Sokin” podstansiyasida yuzaga kelgan nosozlik sabab uchta tumanda “svet” o‘chishi — “Daryo” nashri 17-iyunda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda haydovchilar uchun ma’muriy ogohlantirish chorasi kiritiladi
Bu ijtimoiy xavfliligi kam bo‘lgan yo‘l harakati xavfsiziligi bilan bog‘liq huquqbuzarliklar uchun qo‘llanadi.
O‘zbekistonda IT yo‘nalishiga ixtisoslashtirilgan maktablar tarmog‘i kengaytiriladi
Matematika, informatika va axborot texnologiyalari, robototexnika fanlari qo‘shimcha o‘quv dasturlari asosida o‘qitilishi ta’minlanadi.
O‘zbekistondagi ayrim dorixonalar 2,6 mlrd so‘mdan ortiq asossiz daromad olgani aniqlandi
Ularni qaytarish bo‘yicha tegishli choralar ko‘rildi.
Jennifer Lopesning Toshkentdagi konserti qaysi mablag‘lar hisobiga tashkil etilayotgani ma’lum qilindi
Rasmiylarning bildirishicha, bu bilan bog‘liq barcha xarajatlar davlatdan bir tiyin ham mablag‘ olinmasdan amalga oshirilyapti.
Ilhom Haydarov O‘zbekistonning Turkiyadagi elchisi bo‘ldi
U tashqi ishlar vaziri o‘rinbosari lavozimida ishlab kelayotgandi. “O‘zbekyengilsanoat” (hozirgi “To‘qimachilik va tikuv-trikotajsanoat” uyushmasiga 15 yil rahbarlik qilib, soha rivojiga hissa qo‘shgan.
O‘zbekistonda yo‘l qoidabuzarligi uchun qaror kechiktirilsa, jarima bekor qilinadi
Bu ko‘zda tutilgan qonun loyihasi deputatlar tomonidan birinchi o‘qishda qabul qilindi.
Shavkat Mirziyoyev Qozog‘istonda Si Szinpin bilan muzokara o‘tkazdi
Yetakchilar huzurida O‘zbekistonning JSTga a’zo bo‘lishi bo‘yicha ikki tomonlama muzokaralar yakunlangani to‘g‘risida bayonnoma imzolangani e’lon qilindi.
O‘zbekistonda mansabdorlar harakati sabab yetkazilgan zarar o‘rnini qoplash bo‘yicha qonun loyihasi qabul qilindi
Ushbu hujjat aybdor mansabdorlarni javobgarlikka tortishga qaratilgan.
O‘zbekiston TIV Isroil—Eron mojarosi bo‘yicha provokatsiyaga uchmaslikka chaqirdi
Vazirlik tinchlikparvarlik, bag‘rikenglik va masʼuliyatli fuqarolik pozitsiyasini saqlashni so‘radi.
“Sovuqqon, mulohazali va bag‘rikeng bo‘ling”. O‘zbekiston TIV Eron—Isroil mojarosi haqida fikr bildirishda o‘zbekistonliklarga tavsiyalar berdi
O‘zbekiston ikki davlat bilan ham o‘zaro mustahkam diplomatik aloqalarga ega.
“Andijon do‘ppisi” geografik ko‘rsatkich sifatida patentlandi
Ushbu do‘ppi Andijon viloyatining hunarmandchilik an’analari, kashtachilik maktabi va madaniy ramzlariga asoslangan.
Shavkat Mirziyoyev “Markaziy Osiyo – Xitoy” sanoat va infratuzilma makoni" uzoq muddatli strategiyasini ishlab chiqishni taklif qildi
O‘zbekiston prezidenti Ostona shahrida “Markaziy Osiyo - Xitoy” ikkinchi sammitida ishtirok etdi.
“Nizoli xalqaro masalalar va ziddiyatli muammolarni hal qilish uchun kuch ishlatish vositalaridan foydalanish o‘zini oqlamaydi va bunga yo‘l qo‘yib bo‘lmaydi” – Shavkat Mirziyoyev
O‘zbekiston yetakchisi barcha nizo va ziddiyatlar faqat diplomatik saʼy-harakatlar yo‘li bilan – muzokaralar stolida hal etilishi shart ekanligini aytdi.
O‘zbekistonning Isroildagi elchixonasi: Front orti buyrug‘i tomonidan ogohlantirish tartibi yangilandi
Ogohlantirish raketalar bilan bog‘liq xavf-xatar yuzaga kelgan holatda beriladi.
“Mulkdor noqonuniy eshik ochishga uringan”. Yangihayotdagi “dom”larning sifatsizligi aytilgach, masʼul tashkilot vaziyatga aniqlik kiritdi
Videolavhada mulkdor o‘zboshimchalik bilan buzish ishlarini olib borib, o‘sha joyni qurilish materiallari bilan qo‘lbola usulda vaqtinchalik yopib qo‘ygani ko‘ringan.
Bahromjon Aʼloyev Eron va Isroilning O‘zbekistondagi elchilari bilan Yaqin Sharqdagi vaziyatni muhokama qildi
Suhbat chog‘ida savdo-iqtisodiy, transport-logistika sohalaridagi ikki tomonlama hamkorlik yuzasidan ham fikr almashildi.
Shohimardon va So‘xga borishdagi postlar 24 soatlik ish tartibiga o‘tkaziladi
Mazkur chora-tadbirlar postlarda yuzaga keladigan tirbandliklarning oldini olish maqsadida joriy etilmoqda.
Toshkentdagi “Sokin” podstansiyasida yuzaga kelgan nosozlik sabab uchta tumanda “svet” o‘chdi
Nosozlik energetiklar tomonidan bartaraf etildi.
Izoh (0)