Футбол бўйича Ўзбекистон Суперлигасининг 13-туридан ўрин олган учрашув 23 июнь, душанба куни бўлиб ўтди.
Унда Самарқанднинг “Динамо” клуби ўз майдонида Тошкентнинг “Бунёдкор” жамоасини қабул қилди. Ўйин тезкор гол билан бошланди. 10-дақиқада Темурхўжа Абдухолиқов ҳисобни очди. Биринчи бўлимга қўшиб берилган дақиқалар ўтиб бораётган вақтда Абдухолиқов дубль қайд этди.
Иккинчи бўлимнинг илк дақиқасидаёқ “қалдирғочлар” яна гол урди. Носиржон Абдусаломовнинг голи ҳисобни учтага оширган эди.
Ушбу ҳисоб ўйин якунига қадар сақланиб қолди. Мазкур ғалаба билан тошкентликлар 21 очко билан 7-ўринни эгаллаб турибди. Самарқандликлар эса 25 очко билан 2-поғонадан жой олган.
Изоҳ (0)