Ўзбекистон миллий терма жамоаси ЖЧ—2026 саралашининг 3-босқич сўнгги турида Қатарни 3:0 ҳисобида мағлуб этиб, FIFA рейтингида икки поғонага юқорилади.

Тошкентдаги “Бунёдкор” стадионида ўтган баҳсда қўлга киритилган ғалаба Ўзбекистонга 13,40 очко олиб келди. Натижада умумий рейтинг баллар 1449.12 га етди ва Темур Кападзе жамоаси 57-поғонадан 55-ўринга кўтарилди.

Қатар эса шу мағлубият туфайли 13,40 очкони йўқотди ва 1459.85 балл билан 53-ўринга тушди. Эслатиб ўтамиз, Қатар 9-турда Эрон устидан қозонилган ғалабадан сўнг 55-ўриндан 50-поғонага кўтарилган эди.

Ҳозирда Ўзбекистон Осиёдаги терма жамоалар орасида 6-ўринни эгаллаб турибди. Қуйида Осиёнинг FIFA рейтинги бўйича энг кучли 10 жамоанинг ўрни ва ўтган ойга нисбатан ўзгаришлари келтирилган:

Осиё терма жамоалари FIFA рейтингида (Топ-10, ўзгаришлар билан):

1. Япония – 1641.24 очко (1 поғона пасайган, -11.40 балл)
2. Эрон – 1624.30 очко (2 поғона пасайган, -13.09 балл)
3. Жанубий Корея – 1587.08 очко (ўзгариш йўқ, +12.15 балл)
4. Австралия – 1578.63 очко (2 поғона кўтарилган, +24.08 балл)
5. Қатар – 1459.85 очко (2 поғона пасайган, -13.40 балл)
6. Ўзбекистон – 1449.12 очко (2 поғона кўтарилган, +13.40 балл)
7. Саудия Арабистони – 1421.48 очко (ўзгариш йўқ, +2.52 балл)
8. Ироқ – 1416.99 очко (ўзгариш йўқ, +3.59 балл)
9. Иордания – 1385.54 очко (2 поғона пасайган, -3.61 балл)
10. БАА (Бирлашган Араб Амирликлари) – 1379.85 очко (1 поғона пасайган, -2.85 балл).

Умумий рейтингда ҳамон Аргентина етакчилик қилмоқда (1 885,36). Иккинчи поғонадан Испания (1 864,60) жой олган бўлса, кучли учликка Франция якун ясаган (1 849,59).

Эслатиб ўтамиз, ушбу жадвал онлайн рейтинг асосида тузилган бўлиб, FIFA рейтинги 10 июнь куни янгиланади. Шу сабабли, якуний натижалар ундан бир оз фарқ қилиши мумкин.