Кузги депрессияга қарши озиқ-овқатлар

Кайфиятни тўғри танланган антидепрессант озиқ-овқатлар ёрдамида ҳам яхшилаш мумкин.

Ловия

Ҳатто, халқимиз орасида кўп ишлатиладиган шундай ибора ҳам бор: дуккаклиларни қанча кўп есангиз, шунча кўп кулиб юрасиз. Дуккаклилар ҳазм қилиниши қийинроқ бўлса ҳам, бу ибора ҳақиқатдан унчалик узоқ эмас.

Семичка

Семичка – бу фастфуднинг энг соғлом ўрнини босувчиси ҳисобланади.

Уларни ўзингизни маъюс ва ғамгин ҳис қилган вақтларда ейишингиз мумкин, чунки улар омега-3 ёғ кислотасига бой. Бунинг устига, кунгабоқар ёки ошқовоқ уруғлари таркибидаги моддалар бошқа ҳар қандай овқатлардаги фойдали моддаларнинг ҳазм бўлишига ёрдам бериши мумкин.

Олма

Бир кунда бир дона олма кўпчилик одамларни мавсумий депрессияга тушишдан сақлаб қолган. Резавор мевалар каби олмалар таркибида ҳам оксидланиш ва ҳужайра даражасидаги яллиғланишнинг олдини олишга ёрдам бериши мумкин бўлган кўплаб антиоксидантлар мавжуд.

Улар шунингдек, қондаги шакар миқдорини тенглаштириб турадиган эрувчи клетчаткаларга жуда бой.

Салат барглари ва кўкатлар

Оғир депрессия мияда юз берувчи яллиғланиш жараёнлари билан боғлиқ. Кўкатларда уларга бутунлай барҳам берувчи махсус моддалар бор.

Рационга салат баргларини мунтазам равишда қўшиш орқали ҳатто қуёш ёруғлиги ва мавсумий витаминлар етишмаган ҳолларда ҳам ҳеч қандай депрессия аломатларининг пайдо бўлмаслигига эришиш мумкин.

Ёнғоқ

Ёнғоқ омега-3 ёғ кислотасининг энг бой ўсимлик манбаларидан бири ҳисобланади. Ўз навбатида кўп сонли тадқиқотлар бу кислотанинг мия фаолиятига ёрдам беришини ва депрессия аломатларини камайтиришини исботлади.

Резавор мевалар

Черника, малина, қулупнай ва маймунжонлар таркибида антиоксидантлар энг юқори бўлган озиқ-овқатлардан ҳисобланади. Уларни музлатилган ҳолатда, шунингдек мураббо ёки желе ҳолда ейиш мумкин.

Қўзиқорин

Қўзиқоринларнинг руҳий саломатликни энг мувофиқ ҳолатда ушлаб туришининг икки сабаби бор.

Биринчидан, қўзиқориндаги кимёвий моддалар инсулин билан ҳамкорликда ҳаракатга киришади, бу эса қондаги шакар миқдорининг ўзгаришига тўсқинлик қилишга ва кайфиятни яхшилашга ёрдам беради.

Иккинчидан, қўзиқоринлар – бу соғлом ичак бактерияларини ҳосил қилувчи пробиотиклар ҳисобланади. Улар бизнинг кайфиятимиз билан бевосита боғланган, чунки ичакдаги асаб ҳужайралари 80% серотонин ишлаб чиқаради.