“Реал Мадрид” бош мураббийи Хаби Алонсо ёзги трансферлар ойнасида “Ливерпуль” ярим ҳимоячиси Алексис Макаллистерни жамоага олиб келмоқчи. Бу ҳақда Испаниянинг Фичажес нашри хабар бермоқда.
Манбага кўра, Алонсо аргентиналик ярим ҳимоячини “Реал”нинг марказий чизиғини кучайтиришга идеал номзод сифатида кўрмоқда. Шу сабабли “қироллик клуби” раҳбарияти мураббийининг илтимосига биноан Макаллистер трансферини амалга ошириш устида иш олиб бормоқда.
Қайд этилишича, мадридликлар 26 ёшли футболчи учун 100 миллион еврога яқин таклиф тайёрламоқда. Агар керакли футболчилар, хусусан, Родриго Гоэс сотилса, бу сумма миқдори оширилиши ҳам мумкин.
Алексис Макаллистернинг “Ливерпуль” билан амалдаги шартномаси 2028 йил ёзига қадар мўлжалланган. У ўтган мавсум мерсисайдликлар сафида 49 учрашувда майдонга тушиб, 7 та гол ва 6 та голли узатмага муаллифлик қилган. Transfermarkt портали футболчининг бозор қийматини айнан 100 миллион евро деб баҳоламоқда.
Изоҳ (0)