Хитой АҚШ товарларига нисбатан аввалроқ музлатилган савдо тарифлари келгуси ойдан тикланишини айтиб, Вашингтонга таҳдид қилди. Икки давлат музокаралар сабаб қўшимча божларни тўхтатиб турган эди. Бу ҳақда Reuters хабар берди.
Пекинни Дональд Трампнинг 7 июль кунги баёноти норози қилди. Ўшанда АҚШ президенти 1 августдан бошлаб қатор савдо ҳамкорларига юқори божлар қўлланиши ҳақида маълум қилганди. Хитой ҳукумати эса бунга жавобан, “дунёнинг иккинчи иқтисодини таъминот занжиридан узишга ҳаракат қилувчи давлатларга тегишли жавоб берилиши”ни айтди.
Вашингтон ва Пекин июнь ойида ўзаро савдо келишувига эришган, бироқ экспертлар битим аҳамиятини жуда заиф дея баҳолаган эди. Унга биноан икки давлат 12 августга қадар импорт чекловларини қайта тикламаслик бўйича келишувга эришиши режалаштирилганди.
“Хитой тариф имтиёзлари эвазига мамлакат манфаатларини қурбон қиладиган келишувга эришишга қатъиян қарши. Агар шундай вазият юзага келса, Хитой буни қабул қилмайди ва ўзининг қонуний манфаатларини ҳимоя қилиш учун қатъий жавоб беради”, деди хитойлик мулозим.
Ҳозирда Қўшма Штатлар томонидан Хитойдан келаётган товарларга нисбатан қўлланилаётган бож тарифлари ўртача 51,1 фоизни ташкил этади. Хитой эса бунга ўртача 32,6 фоиз божхона тарифлари жорий қилиш билан жавоб қайтарган.
Изоҳ (0)