Бу ҳақда мамлакат ички ишлар вазири Энтони Берк маълум қилди. Iчки ишлар вазирининг сўзларига кўра, рэпернинг визасини бекор қилиш тўғрисидаги қарор Apple Music, Spotify ва YouTubeʼда тақиқланган Heil Hitler трекидан кейин қабул қилинган.
"Менимча, нафратни импорт қилиш оқилона эмас," - дея тушунтирди ички ишлар вазири. Берк идораси вакилларининг қўшимча қилишича, визани бекор қилиш мамлакат фуқароларини "жиноий фаолият ёки безовта қилувчи хатти-ҳаракатлар билан шуғулланишга қарор қилган одамлар томонидан зарар етказиш хавфидан" ҳимоя қилиш чорасидир.
Уэстнинг рафиқаси Бианcа Цензори Мелбурнда туғилиб ўсган. Беркнинг сўзларига кўра, эр-хотин Цензорилар оиласини кўриш учун Австралияга тез-тез бориб туришган.
Рэпер 2025 йил 8 майда — Европа ва АҚШда Иккинчи жаҳон уруши тугаганини нишонлаш куни – антисемитизм (бу яҳудийларга нисбатан нотўғри тушунча ёки нафратдир) қўшиғини тармоққа жойлади. Қўшиқда нацистлар саломи кўп марта такрорланган.
Бунгача рэпер антисемит фикрлари туфайли бир неча бор жанжалларга сабаб бўлган. Шу сабабли у, хусусан, ижтимоий тармоқларга кириш имкониятини, шунингдек, Balenciaga ва Adidas билан шартномаларни йўқотди.
Изоҳ (0)