Сурхондарё вилояти Денов туманида 71 ёшли аёл ўз уйида ўлдириб кетилди. Бу ҳақда Бош прокуратура “Дарё”га хабар берди.
Маълум қилинишича, 1 июль куни соат 09:40 ларда Денов тумани “Буюк келажак” маҳалласида яшовчи Г.Умбаровани яшаш уйида у билан вақтинчалик яшаб келаётган невараси уйғотмоқчи бўлиб кирганида, момоси Г.У. (1954 йилда туғилган)нинг жасади бош қисмида тан жароҳатлари билан топилган.
Мазкур ҳолат юзасидан Жиноят кодексининг 97-моддаси 1-қисми билан жиноят иши қўзғатилиб, уни фош этиш чоралари кўрилмоқда. Ҳозирда тергов ҳаракатлари туман прокуратураси томонидан олиб борилмоқда.
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини, кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
- Чинозда 25 ёшли эркак хотини ва қайнанасини қасддан ўлдирди.
- Фарғонада эркак бир гуруҳ дўстлари билан собиқ куёвини дўппослади.
- Чинозда ука ўз опасини ўлдириб, 7 кун уйда сақлади.
- Самарқандда қайнона келинини қувватлагич сими билан бўғиб ўлдирди.
- Андижонлик ўқитувчи аёл пичоқлаб ўлдирилди. Гумонланувчи эр қўлга олинди.
- Наманганда эркак дўконда хотинини пичоқлаб ўлдирди.
- Сурхондарёда аёлига тазйиқ ўтказган эркак қамалди.
Изоҳ (0)