Президент администрацияси раҳбари Саида Мирзиёева Бишкекда “Аёл — дунёни яхшилик сари ўзгартирувчи лидер” халқаро форумида қатнашди.
Унинг таъкидлашича, форумда оилада, ишда, жамиятда, умуман, ўз атрофидаги ҳаётни ўзгартираётган, қатъиятли ва кучли аёллар жамланган.
“Бишкек шаҳрида ўтган “Аёл — дунёни яхшилик сари ўзгартирувчи лидер” халқаро форуми оилада, ишда, жамиятда, умуман, ўз атрофидаги ҳаётни ўзгартираётган, қатъиятли ва кучли аёлларни жамлади.
Бизга энг кераклиси — тенг имконият, давлат ва жамият ғояларимизни қўллаб-қувватлаши ҳамда ўз кучимизга бўлган ишонч.
Ва буни Ўзбекистон ва Қирғизистондан қатнашган, мамлакатларимиз тараққиёти, ўз ҳуқуқ ҳамда имкониятлари учун шижоат билан курашишни ифода этган спикерлар яна бир карра исботладилар.
Муффақиятли, ақлли, тафаккурли ва профессионал, давлатларимиз ёруғ келажагини аниқ кўра оладиган бу аёллар орзу сари қандай интилиш кераклиги ва қийинчиликлардан қўрқмаслик зарурлигини кўрсата олдилар.
Биз албатта бирлашишимиз шарт”, дейди Саида Мирзиёева.
Саида Мирзиёева 20 август куни Қирғизистон президенти билан учрашган эди.
Изоҳ (0)