Москвадаги Рязань проспектида 17 декабрь куни портлаш юз берди, оқибатда рус генерали Игор Кириллов ҳалок бўлди. Бу ҳақда Meduza хабар берди.
Россия Тергов қўмитасига кўра, воқеа оқибатида икки эркак ҳалок бўлган. Фавқулодда хизматлар портлаш оқибатида турар-жой биносининг биринчи ва учинчи қаватларидаги деразалар сингани, подъезднинг кириш эшиги шикастланганини айтмоқда.
Маsh каналига кўра, генерал ёрдамчиси билан Рязань проспектидаги уйидан эрталаб соат 6 атрофида чиққан. Шу пайт қўлбола портлатиш қурилмаси фаоллашган. Ҳозирда ҳолат юзасидан текширув олиб борилмоқда.
Марҳум урушда кимёвий қуроллардан фойдаланишни буюрган
Украина Хавфсизлик хизмати таъкидлашича, Игор Кирилловнинг буйруғи билан 2022 йил февраль ойидан буён Россия томонидан 4800 дан ортиқ кимёвий қуроллардан фойдаланиш ҳолатлари қайд этилган. Гап CС ва CН каби қўзғатувчи таъсирга эга заҳарли моддалар билан жиҳозланган К-1 жанговар гранаталари ҳақида бормоқда.
Улардан фойдаланиш 1993 йилдан бери Кимёвий қуролни ишлаб чиқиш, ишлаб чиқариш, қўллаш ва йўқ қилишни тақиқлаш тўғрисидаги конвенция билан ман этилган. Уруш давомида 2000 дан ортиқ ҳарбий турли даражадаги кимёвий заҳарланиш билан касалхоналарга тушган.
Россия асосан ФПВ-дронлардан мудофаа нуқталарига заҳарли моддалар билан ўқ-дорилар ташлашда фойдаланади. Бу эса шиллиқ қаватларнинг, биринчи навбатда, кўз ва нафас йўлларининг шикастланишига олиб келади.
Россияда қанотли ракеталар муҳандиси ўлдириб кетилди
Изоҳ (0)