“Барселона” бош мураббийи Ҳанси-Дитер Флик ёзги трансферлар ойнаси чоғида жамоадаги айрим футболчиларни таркибда сақлаб қолмоқчи. Хусусан, у ярим ҳимоячи Фермин Лопес ҳамда марказий ҳимоячи Эрик Гарсияни клубнинг келгуси лойиҳалари учун муҳим футболчилар деб ҳисобламоқда. Бу ҳақда журналист Ферран Корреас хабар бермоқда.
Манбага кўра, Флик клуб раҳбариятига ушбу икки футболчини “сотилмайдиган” деб эълон қилган. Гарчи уларнинг ҳар иккаласи ҳам асосий таркибда мунтазам ўйин амалиётига эга бўлмаса-да, мураббий уларнинг ўйинидан мамнун ва янги мавсум учун уларга ишонч билдирмоқда.
Шу сабабли, “кўк-анорранглилар” раҳбарияти ёзда улар бўйича тушиши мумкин бўлган трансфер таклифларини кўриб чиқмаслиги мумкин.
Эслатиб ўтамиз, “Барселона” ўтган мавсумда Ла Лига, Испания Кубоги ва Испания Суперкубогини қўлга киритган эди. Шунингдек, каталонияликлар Европа Чемпионлар Лигаси ярим финалида “Интер”га мағлуб бўлиб, мусобақани тарк этган.
Изоҳ (0)