“Barselona” bosh murabbiyi Hansi-Diter Flik yozgi transferlar oynasi chog‘ida jamoadagi ayrim futbolchilarni tarkibda saqlab qolmoqchi. Xususan, u yarim himoyachi Fermin Lopes hamda markaziy himoyachi Erik Garsiyani klubning kelgusi loyihalari uchun muhim futbolchilar deb hisoblamoqda. Bu haqda jurnalist Ferran Korreas xabar bermoqda.
Manbaga ko‘ra, Flik klub rahbariyatiga ushbu ikki futbolchini “sotilmaydigan” deb e’lon qilgan. Garchi ularning har ikkalasi ham asosiy tarkibda muntazam o‘yin amaliyotiga ega bo‘lmasa-da, murabbiy ularning o‘yinidan mamnun va yangi mavsum uchun ularga ishonch bildirmoqda.
Shu sababli, “ko‘k-anorranglilar” rahbariyati yozda ular bo‘yicha tushishi mumkin bo‘lgan transfer takliflarini ko‘rib chiqmasligi mumkin.
Eslatib o‘tamiz, “Barselona” o‘tgan mavsumda La Liga, Ispaniya Kubogi va Ispaniya Superkubogini qo‘lga kiritgan edi. Shuningdek, kataloniyaliklar Yevropa Chempionlar Ligasi yarim finalida “Inter”ga mag‘lub bo‘lib, musobaqani tark etgan.
Izoh (0)