Тошкент шаҳрида “Ёшлар кубоги” муносабати билан 8 июнь куни веломарафон ўтказилиши режалаштирилган. Бу ҳақда пойтахт ИИББ матбуот хизмати хабар берди.
Шу муносабат билан 8 июнь куни соат 06:00 дан 09:00 га қадар айрим кўчаларда жамоат тартибини сақлаш ва ҳаракат хавфсизлигини таъминлаш мақсадида транспортлар ҳаракати чекланади. Жумладан:
- Абай кўчаси Абдулла Қодирий кўчаси кесишмасидан Алишер Навоий кўчаси кесишмасигача;
- Ботир Зокиров кўчаси Алишер Навоий кўчаси кесишмасидан “Ўзбекистон” метро бекатигача;
- Афросиёб кўчаси “Ўзбекистон” метро бекатидан Нукус кўчаси билан кесишмасигача;
- Нукус кўчаси Афросиёб кўчаси кесишмасидан Фарғона йўли кўчаси кесишмасигача;
- Абдулла Қодирий кўчаси Фарғона йўли кўчаси кесишмасидан Абай кўчаси кесишмасигача.
Ҳайдовчиларга айланма йўллардан фойдаланиш тавсия этилган.
Изоҳ (0)