Ўзбекистон Ички ишлар вазирлиги томонидан «Байроғимиз – фахримиз, ғуруримиз» шиори остида ярим марафон ва гала-концерт ташкил этилмоқда. Бу ҳақда ИИВ ахборот хизмати хабар берди.
Мазкур тадбир Ўзбекистон давлат байроғи қабул қилинганлигининг 28 йиллигини кенг нишонлаш, давлат рамзларига нисбатан ҳурмат туйғуларини янада юксалтириш, «Бешта муҳим ташаббус» доирасида тизимда амалга оширилаётган ишлар кўламини кенгайтириш, ички ишлар органлари шахсий таркиби ўртасида соғлом турмуш тарзини тарғиб этиш ҳамда спортни оммалаштириш мақсадида ўтказилмоқда.
Тадбирнинг биринчи қисми бўлган ярим марафоннинг очилиш маросими 17 ноябрь куни соат 14:30 да Тошкент шаҳрининг Ойбек ва Нукус кўчалари кесишмасида ташкил этилиб, шу ернинг ўзида марафонга старт берилади. Марафон иштирокчилари «Humo Arena» муз саройи майдонида кутиб олинади ҳамда ғолиблар тақдирланади.
Тадбирнинг иккинчи қисми Ички ишлар вазирлигининг ансабли ҳамда машҳур санъаткорлар иштирокидаги гала-концерт соат 16:00да «Humo Arena» муз саройининг кўча майдонида бўлиб ўтади.
Шунингдек, «Humo Arena» муз саройининг кўча майдонида Ички ишлар вазирлиги томонидан мазкур тадбирга бағишланган китобхонлар сайли ва идоравий махсус техника воситаларининг кўргазмаси ташкил этилади.
Изоҳ (0)