“Ливерпуль” футболчиси Луис Диас ёзги трансфер ойнасида жамоасини алмаштириши мумкин. Колумбиялик футболчига Испаниянинг “Барселона” клуби ҳамда Саудия Арабистонининг “Ан-Насср” жамоаси жиддий қизиқиш билдирмоқда.
Машҳур инсайдер Фабрицио Романонинг хабарига кўра, “Ливерпуль” футболчини 40–45 миллион евро атрофидаги сумма эвазига қўйиб юбормоқчи эмас. Аввалроқ харидор жамоалар Диасни шу нархда сотиб олиш мумкинлиги ҳақида миш-мишлар тарқалган эди, аммо мерсисайдликлар фақат йирик таклиф бўлса, музокарага киришишга тайёр.
“Ан-Насср” ёзги трансфер ойнасида Луис Диасни қўлга киритиш учун жиддий ҳаракат қилмоқда ва яқин кунларда инглиз клуби билан расмий музокаралар бошланиши кутилмоқда. Шу билан бирга, “Барселона” ҳам 28 ёшли футболчини таркибга қўшиш ниятидан воз кечгани йўқ. Бироқ клубнинг молиявий муаммолари бу трансферни амалга оширишни анча мураккаблаштиради.
Transfermarkt портали Диаснинг бозор қийматини 70 миллион евро деб баҳоламоқда. Футболчининг ўзи эса “Ливерпуль”да қолишни хоҳлаётгани ва ҳозирча клубдан кетишга зарурат сезмаётгани маълум қилган.
Маълумот учун, колумбиялик ҳужумчи ўтган мавсум Англия Премьер Лигаси доирасидаги 36 та ўйинда майдонга тушиб, 13 та гол ва 5 та ассист муаллифига айланган. Унинг “Ливерпуль” билан шартномаси 2027 йил ёзигача амал қилади.
Изоҳ (0)