Iqtisodiyot va moliya vazirligi xodimlaridan Davlat madhiyasini yodlab, videoga olishni talab qilgani aks etgan xat tarqaldi.
Unda “O‘zbekiston Respublikasi davlat madhiyasi to‘g‘risida”gi qonunda belgilangan talablarga amal qilgan holda barcha tuzilma rahbarlari va xodimlaridan davlat madhiyasini yoddan bilish hamda uni to‘g‘ri, ruhlantiruvchi uslubda ijro etish talab etilgan.
Mazkur topshiriqni o‘z vaqtida va samarali bajarilishini nazorat qilishga har bir tuzilma rahbari shaxsan mas’ul ekani, shuningdek, ushbu topshiriqni bajarmagan xodimlarning faoliyatini baholashda eng muhim samaradorlik ko‘rsatkichlarida hisobga olinishi ma’lum qilingan.
Bir oy ichida har bir xodim tomonidan davlat madhiyasi ijro etilgan videoyozuv “edo.ijro.uz” elektron dasturiga yuklangandan so‘ng topshiriq bajarilgan deb hisoblanishi aytilgan.
Biroq vazirlik rasmiy sahifalarida bu bo‘yicha rasmiy munosabat bildirilmagan.
Maʼlumot uchun, O‘zbekiston Davlat madhiyasining matni va musiqasi 1992-yil 10-dekabrdagi “O‘zbekiston Respublikasining Davlat madhiyasi to‘g‘risida”gi qonuni bilan tasdiqlangan.
O‘zbekiston madhiyasi mamlakat suverenitetining ramzidir. Davlat madhiyasiga zo‘r ehtirom bilan qarash O‘zbekiston fuqarosining vatanparvarlik burchidir.
Izoh (0)