Музлаб қолган, нафас ололмаган, сочидан айрилган — роли сабаб қийинчиликка чидашга мажбур бўлган актёр ва актрисалар (фото)

Баъзида актёр ва актрисалар шундай костюм, грим ва париклардан фойдаланадиларки, уларга раҳмингиз келади. Экранда ҳамма нарса чиройли кўринса-да, кадр ортида қийин вазият бўлиши ҳам мумкин.

Эмилия Кларк Дейенерис ролида

Эмилия Кларкнинг қаҳрамони ўзининг унвони, шунингдек, узун малла сочлари билан машҳур. Афсуски, бундай ажойиб рангга осонлик билан эришилмаган. Эмилия тез-тез бўяш туфайли асл сочларидан деярли айрилади. Ҳа, актриса парик кийган, лекин ҳақиқий сочларини ҳам бўяган. Натижада қиз сочини калта қилиб кестиришга мажбур бўлади.

Том Старриж Морфей ролида

Том Старриж учун “Қум одам” фильмида суратга тушиш осон бўлмаган. Сериал аввалида сеҳргар томонидан ушланиб, шиша шарга қамалади. Дарҳақиқат, актёр кийимсиз ҳолда совуқ полда ўтирар, ҳамкасблари эса у билан танишишга улгурмаган ҳолда айланиб юришарди. Бу жуда ноқулай эди.

Анжелина Жоли Лара Крофт ролида

Анжелина қаҳрамонининг кийимидан мамнун эмасди — костюм тор ва жуда қаттиқ бўлган. Қизни компьютер ўйинидаги қаҳрамонга ўхшатиш учун Жоли махсус кўкрак қопламаларини кийиши керак эди.

Бенедикт Камбербэтч Шерлок Холмс ролида

Бенедикт Камбербетч тор корсет кийиш азобини шу роли орқали ҳис қилган. Шерлокнинг либослари ўзига ярашиб туради, бироқ актёрнинг айтишича, бели жуда тор тикилган. Оқибатда Бенедикт нафас олишга қийналади, овқат ҳазм қилиш билан боғлиқ муаммолар пайдо бўлади.

Марго Робби Харли Квинн ролида

Мухлислар жасур Харли Квинн костюмини яхши кўрадилар. Аммо актрисанинг ўзи уни ёқтирмасди. Костюм жуда очиқ бўлган, қизнинг устига сув қуйилганда Марго Робби ўзини жуда ноқулай ҳис қилган.

Мишель Пфайффер Мушук аёл ролида

Мишель Пфайффер “Бетман қайтмоқда” фильмида мушук аёл ролини ўйнайди. Мишель роли учун қамчидан қандай фойдаланишни ўрганиши керак эди, мураббий унга бу борада ёрдам беради. Аммо машғулотнинг биринчи кунида фавқулодда вазият юз беради: актриса кучини нотўғри ҳисоблаб, мураббийнинг юзига қамчи тегиб кетади. Мишель ўзини жуда айбдор ҳис қилади. Аммо кейинроқ Пфайффер машғулотларига қайтади ва керакли трюкларни ўрганиб олади.

Кит Харингтон Жон Сноу ролида

Жон Сноу бўрон бўлишига қарамай, ҳеч қачон бош кийим киймаган. Балки, қаҳрамонга совуқ таъсир қилмагандир? Аммо киноижодкорлар, шляпа ёки қалпоқ кийса, қаҳрамоннинг юзи кадрда ёмон кўринади, деб ҳисоблашган. Бечора Кит Харингтоннинг қулоқлари музлаб қолади.