Ҳозирги пайтда актёрлар учун имконсиз нарса йўқдек гўё. Улар осонгина бошқа жинс вакиллари персонажини ҳам ўйнашлари мумкин. Режиссёрлар учун ҳам ташқи кўриниш энди унчалик муҳим эмас: агар актёр ўз қаҳрамонига ўхшамаса, унга бир нечта гримёрлар ва диета ёрдам беради.
AdMe нашри ҳатто энг содиқ мухлислари ҳам кадрда таний олмайдиган образлар жамланмасини тўплади.
Жонни Депп
Жонни Депп моҳирона ниқобланишга уста экани ҳаммага маълум. У кўплаб эсда қоларли образларни яратган — Эдвард Қайчиқўлдан тортиб капитан Жек Читтаккача. Энг экстравагант гримда ҳам ашаддий мухлислари актёрни таниб олишади. Аммо «Ёга илгаклари» фильмида актёрни таниш анча қийин бўлади.
Кристиан Бэйл
Кристиан Бэйл ўз қаҳрамонини ишонарли тарзда ўйнаш учун вазнини бир неча бор ўзгартирган. «Машинист» фильмидаги Тревор Резник роли учун у 28,5 килога озган, кўп ўтмай, у Бетман ролини ўйнаш учун яна одатий вазнига қайтган. Аммо «Ҳукмронлик» фильмида актёрни таниш жуда мушкул.
Ҳелли Берри
«Булутли атлас» фильмида Ҳелли Берри бир вақтнинг ўзида 6 та рол ўйнаган. Умуман олганда, уни таниб олиш мумкин, фақат биттасидан ташқари — жозибали актриса Овид исмли кекса пластик жарроҳ ролини ўйнаган.
Расселл Кроу
2019 йилда намойиш этилган «Энг баланд овоз» минисериалида келишган йигит Расселл Кроу бош ролни ўйнаган. Аммо томошабин ортиқча вазнли медиамагнат образи ортида ким яширинганини дарҳол тахмин қила олмайди.
Колин Фаррелл
Колин Фаррелл 2022 йилда экранга чиқиши кутилаётган янги Бетмен фильмида Пингвин ролини ижро этди. Суратга олиш пайтида актёр грими билан қаҳвахонага кирган. Аммо ҳеч ким юлдузни танимаган.
Марго Робби
Актриса кўпинча жозибали аёллар ролини ўйнайди. Аммо ташқи кўринишидан ташқари, у ажойиб истеъдодга ҳам эга. «Икки қиролича» фильмида Робби Элизабет I ролини ўйнади ва визажистлар қизни ўзгартириш учун кўп ҳаракат қилишди.
Жим Керри
«Ёмон партия» фильмида таниқли комик соқов дарвеш ролини ўйнаган, гримда уни умуман таниб бўлмайди. Тахминларга кўра, актёрнинг ўзи фильмдаги иштироки томошабинлар учун кутилмаган совға бўлишини хоҳлаган ва реклама кампаниясида унинг исми ва у билан боғлиқ ҳар қандай тасвирлардан фойдаланишни тақиқлаган.
Тилда Суинтон
«Суспирия» мистик триллерида Тилда Суинтон бирданига 3 та рол ўйнаган, улардан бири — доктор Жозеф Клемперер роли. Актрисани бу ролда, умуман, тасаввур қилолмайсиз.
Кейт Бланшетт
«Манифесто» — бу Австралия—Германиянинг кўп каналли видеоинсталляцияси бўлиб, унда Кейт Бланшетт 13 тагача образларида намоён бўлган. Улар орасида мактаб ўқитувчиси, фабрика ишчиси, хореограф, панк, янгиликлар бошловчиси, олим, қўғирчоқбоз, бева ва уйсиз одам бор. Сўнгги ролида актрисани таний олмаслигингиз аниқ.
Мавзуга доир:
Изоҳ (0)