Британиялик 31 ёшли Уилям Гудж Австралия бўйлаб югуриш бўйича жаҳон рекордини янгилади. Бу ҳақда BBC хабар берди.
У 15 апрель куни Австралиянинг Пертдаги Коттеслоэ пляжидан 3800 километр масофага югуришни бошлаб, 19 май куни машҳур Бонди пляжига етиб келди.
Асли Англиянинг Бедфордшир шаҳридан бўлган Гудж ҳар куни икки ярим марафонга тенг — тахминан 100 км масофага югурган. Йўл-йўлакай оёқ тирноқлари чириб тушиб кета бошлаган. Баъзан суякларидаги оғриқ туфайли уйқуси бузилиб, галлюцинацияни ҳам бошидан кечирган. Марра чизиғини кесиб ўтганидан бир неча дақиқа ўтгач, спортчи марҳум онаси хотирасига Бонди қирғоғига бир даста гул қўйган.
“Дастлабки тўққиз кун жуда қийин бўлди. Лекин ўз танангиз ва онгингизга қийинчиликларга дуч келсангиз ҳам, бардош беришни ва буни енгиб ўтишни уқтиришингиз керак,” дея интервью берган Гудж.
Спортчи 2018 йилда онаси Amanda саратон касаллигидан вафот этганидан кейин марафон югуришларини бошлади. Бундан тушган маблағларни эса Буюк Британия, АҚШ ва Австралиядаги саратон хайрия ташкилотларига йўналтирган.
Гудж, шунингдек, Лос Анжелесдан Нью Йорккача 55 кунда югуриб борган энг тез югурувчи британиялик рекордчи ҳисобланади.
Изоҳ (0)