Юта штатидаги Логан шаҳрида енгил атлетика бўйича мактаблараро ўтказилган беллашувда стадионга югуриб чиққат ит қизлар ўртасидаги пойгада маррага биринчи бўлиб етиб келди, деб хабар беради Esquire.
Югуриш мусобақасида рақибларидан анча олдинга ўтиб кетган Грэйси Лэйнининг сўзларига кўра, у финишга яқинлашаётганида ортидан кимдир етиб олаётганини ҳис қилган. Шунда Грэйси янада тезроқ югуришга ҳаракат қилган, бироқ бу етарли бўлмаган — ўқувчини ит қувиб ўтган. Қиз итга урилиб кетишига бир бахя қолган, аммо барчаси яхши якунланган.
https://twitter.com/DeanieWimmer/status/1385057766016880641
Daily Star’нинг ёзишича, Ролли лақабли ит югураётганларни кўриб, хўжайинидан қочиб кетган. У 100 метрли масофани 10,5 сонияда босиб ўтган. Бу Усейн Болт томонидан ўрнатилган жаҳон рекордидан бир сонияга кўпроқб холос.
Бироқ Ҳолли ғолиб дея топилмаган ва биринчи ўрин Грэйсига берилган.
Аввалроқ АҚШда сёрфер-итлар ўртасида мусобақа ўтказилгани тўғрисида хабар берилганди.
Изоҳ (0)