Британиялик алпинист Кентон Кул Эверест чўққисига 19 марта кўтарилиб, дунёдаги энг баланд чўққига кўп марта кўтарилиш бўйича ўз рекордини янгилади. Бу ҳақда BBC хабар берди.
51 ёшли спортчи Кентон Кул 18 май куни непаллик шерпа Доржи Гялжен ҳамроҳлигида маҳаллий вақт билан соат 11:00 да 8 849 метр баландликка кўтарилди. У биринчи марта 2004 йилда Эверестга кўтарилган ва ўшандан бери деярли ҳар йили уни забт этиб келмоқда. Гялжен эса бу сафар йигирма учинчи бор чўққига чиқишини қайд этди.
2022 йилда Эверестга ўн олтинчи марта кўтарилганидан сўнг, Кул кўплаб непаллик алпинистлар ундан ўзиб кетганини таъкидлаб, ўз рекордини янгилашга ҳаракат қила бошлади. 14 май куни Кул ўзининг Instagram обуначиларига бу ҳақда маълум қилди. Ҳамкасб алпинистлар уни қўллаб-қувватлади.
“Кулнинг 20 йиллик тажрибаси, харизмаси ва кучи уни Эверест жамоасининг қимматли қисмига айлантиради,” деди ҳозирда Эверестга чиқаётган алпинистлардан бири Баллингер.
Изоҳ (0)