Uzbekistan Airways авиакомпанияси рейсларининг Фарғона аэропортидан Наманган ва Тошкент аэропортларига ўтказилиши ҳақидаги маълумотлар бўйича маълумот берди.
Хабарга кўра, Фарғона халқаро аэропортида Транспорт вазирлиги ҳузуридаги “Ўзаэронавигация” ДУК томонидан замонавий ускуналар (узоқ масофали DME/NL2700 радиомаёқ ва SP-200 радионавигация ускунаси) ўрнатилмоқда, бу эса аэропортнинг аэронавигация тизимлари фаолиятини яхшилашга хизмат қилади.
Ушбу ишлар аэропорт фаолиятини тўхтатиш ва уни вақтинча ёпиш учун асос бўлмайди. Фарғона халқаро аэропорти одатий режимда ишламоқда. Фарғонага миллий авиаташувчидан ташқари Тurkish Airlines, “Аерофлот”, Azimut, Qanot Sharq, Centrum Air, Utair, Ural Airlines, S7, Silk Avia каби авиакомпаниялар ҳам парвозларни амалга оширмоқда. Ушбу авиакомпаниялар рейсларни кўчириш ҳақида ҳеч қандай маълумот бермаган.
Изоҳ (0)