ФВВ қутқарувчилари Катта Чимён тоғида фуқароларга амалий ёрдам кўрсатди, деб хабар бермоқда вазирлик ахборот хизмати.
Маълум қилинишича, 16 июль куни соат 00:28 да Тошкент вилояти, Бўстонлиқ туманидаги “Чимён” ёнғин-қутқарув отрядига Катта Чимён тоғида 2 нафар фуқаро айлангани келиб, адашиб қолгани тўғрисида хабар тушган.
Айтилган манзилга зудлик билан бир гуруҳ ФВВ қутқарувчилари етиб бориб, қидирув-қутқарув ишларини олиб борган. Амалга оширилган саъй-ҳаракатлар натижасида фуқаролар соғ-саломат топилиб, соат 02:53 да хавфсиз ҳудудга олиб тушилган. Тан жароҳати олганлар йўқ.
Аввалроқ ФВВ қутқарувчилари Чирчиқ дарёсида оқиб келаётган фуқаро ҳаётини сақлаб қолган эди.
Изоҳ (0)