Сиз ҳам уддалайсиз: 2020 йилда сезиларли даражада вазн ташлаган машҳурлар (фото)

2021 йил учун тузилган мақсадлар орасида вазн камайтириш ҳақидаги режалар бўлса, бунинг учун ҳозирданоқ ҳаракат қилиш лозим. Албатта, бу ишда самара берувчи бирор туртки излаш керак. Шунингдек, қарор қабул қилингандан сўнг унга қатъий риоя қилиш ҳам жуда муҳим, худди юлдузлар амал қилганидек.

Оксана Воеводина

Собиқ «Москва гўзали – 2015» совриндори Оксана жуда кўп стрессларга дуч келди. Аввало оналик мақомига эришиш, сўнгра Малайзиянинг собиқ қироли билан ажрим, буйраклар билан муаммо… Аммо модель барчаси билан курашишда ўзида куч топди ва 28 кило вазн ташлади. Бунинг сабаби фақатгина ташвишлар эмас, балки ўз-ўзига қўйган қатъий интизом ҳам эди.

Филипп Киркоров

«Эстрада қироли» вазн йўқотиш сирини спорт, тўғри овқатланиш ва бошқаларни ҳайратда қолдиришда деб билади. Хонанда собиқ турмуш ўртоғининг натижаларидан илҳомланган ҳолда ўзи ҳам 40 килограмм вазн ташлашга эришди. Ортиқча вазн нафақат аёллар, балки эркаклар учун ҳам мос келмайди.

Гоар Аветисян

Машҳур визажист энди обуначиларини гўзал суратлари билан хурсанд қилади. Чунки у 43 килограмм вазн ташлаган. Бундай натижага турмушидан ажраб, тўғри овқатланишга эътибор қаратганидан сўнг эришган.

Ариэль Винтер

Америкалик сериаллар юлдузи деярли автоматик тарзда озишга муваффақ бўлган. У бунинг учун бир неча йиллардан буён фойдаланиб келаётган кучли антидепрессантларни қабул қилишни тўхтатган ва шу заҳоти озишни бошлаган.

Хоакин Феникс

«Жокер» афсонавий роли учун актёр 25 килограмм вазн ташлашига тўғри келган. Бироқ фильмнинг ортидан келган муваффақиятлар юқоридаги фидокорликка арзийди, албатта.

Кейт Хадсон

Ҳақиқий намуна деса ҳам бўлади. Кейт учинчи фарзандини дунёга келтиргач, ўзига эътибор бермай қўйганди. Аммо масъулиятли ва иродали юлдуз бунинг уддасидан чиқди. 15 килограмм вазн ташлашга муваффақ бўлган Хадсон кўринишидан жуда ҳам мамнун.

Жессика Симпсон

Америкалик қўшиқчининг вазни тез-тез ўзгариб туришига қарамай, 109 килограмм оғирликка ҳам эга бўлганди. У деярли икки маротаба яхшигина озишга эришди ва ортиқча 45 килограммни танасидан бартараф этди.

Даная Пригожина

Паст бўйли Даная, тахминан, 110 килограмм вазнга эга бўлган. Аммо қиз ўз қарорида қатъий туриб, парҳез қилишни бошлади ва тўғри овқатланишни ўрганди. Натижа 20 килограмм, ёмон эмас.

Адель

Британиялик қўшиқчи оилавий ажрим туфайлигина бундай натижага эришмади. У тинимсиз равишда спорт залларига қатнаб, парҳез қоидаларига сўзсиз амал қилди. Шу билан у имконсиз нарсанинг ўзи йўқлигини кўпчиликка исботлаб берди. Суратларга кўра, у тахминан 50 килограмм вазн ташлаган бўлиши мумкин.