“Манчестер Сити” бош мураббийи Пеп Гвардиола жамоасининг келгуси мавсумда ЕЧЛда иштирок этиши хусусида фикр билдирди.
Унинг айтишича, агар жамоаси ЕЧЛга йўлланма ололмаса, бу клубнинг ёзги трансфер сиёсатига салбий таъсир қилишини айтди.
“Ёзда биз қизиқиш билдирадиган футболчиларга даъвогарлар кўп бўлса, улар энг аввало Чемпионлар лигасида иштирок этадиган жамоани танлашади. Одатда футболчида танлов бўлса шундай қилади Эҳтимол, баъзи футболчилар барибир клубимизни танлашар, бошқалар эса Чемпионлар лигасига чиқмаганимиз учун рад этишлари мумкин”, – дейди испаниялик мутахассис.
”Ман Сити” устозининг қўшимча қилишича, у ҳали ҳеч қайси футболчи билан келаси мавсум ҳақида гаплашмаган.
АПЛнинг 32-туридан сўнг “Манчестер Сити” турнир жадвалида 5-ўринни эгаллаб турибди.
Аввалроқ, Чемпионлар лигасининг келаси мавсумида АПЛдан 5 та жамоаси иштирок этиши айтилганди.
Изоҳ (0)